ஐரோப்பிய ஒன்றியத் தலைவர்கள் ரஷ்ய எண்ணெய் இறக்குமதியில் மூன்றில் இரண்டு பங்குக்கு மேல் தடுக்கும் திட்டத்திற்கு உடன்பட்டுள்ளனர்.
ஐரோப்பிய சபையின் தலைவர் சார்லஸ் மைக்கேல், இந்த ஒப்பந்தம் ரஷ்ய போர் இயந்திரத்திற்கான பெரும் நிதி ஆதாரத்தை துண்டித்துவிட்டது என கூறினார்.
இது பிரஸ்ஸல்ஸில் நடந்த உச்சிமாநாட்டில் அங்கீகரிக்கப்பட்ட ஆறாவது பொருளாதாரத் தடைகளின் ஒரு பகுதியாகும், இதில் அனைத்து 27 உறுப்பு நாடுகளும் ஒப்புக்கொள்ள வேண்டும்.
ரஷ்யா தற்போது ஐரோப்பிய ஒன்றியத்தின் இறக்குமதி செய்யப்பட்ட எண்ணெயில் 27 சதவீதம் மற்றும் அதன் எரிவாயுவில் 40 சதவீதம் வழங்குகிறது. ஐரோப்பிய ஒன்றியம் ரஷ்யாவிற்கு வருடத்திற்கு சுமார் 400 பில்லியன் டொலர்கள் செலுத்துகிறது.
ரஷ்யாவிலிருந்து ஜேர்மனிக்கு ஒரு புதிய எரிவாயு குழாய் திறக்கும் திட்டங்கள் முடக்கப்பட்டிருந்தாலும், இதுவரை, ஐரோப்பிய ஒன்றியத்திற்கு ரஷ்ய எரிவாயு ஏற்றுமதியில் தடைகள் எதுவும் விதிக்கப்படவில்லை.
