உயிர்த்த ஞாயிறு தினத் தாக்குதலுக்குள்ளான நீர்கொழும்பு – கட்டுவாப்பிட்டிய கத்தோலிக்க தேவாலயத்திலிருந்து கொழும்பு – கொச்சிக்கடை புனித அந்தோனியார் தேவாலயம் வரை இன்றைய தினம் ஆர்ப்பாட்டப் பேரணியொன்று இடம்பெறவுள்ளதாக தகவல்கள் வெளியாகியிருந்தன.

இவ்வாறானதொரு சூழ்நிலையில் கொழும்பின் பல தேவாலயங்களுக்கு முன்பாக கிறிஸ்வ மக்களால் அரசாங்கத்திற்கு எதிராக ஆர்ப்பாட்டங்கள் தற்போது முன்னெடுக்கப்பட்டு வருகின்றன.

அதன்படி தற்போது கொழும்பு – கிராண்ட்பாஸ் புனித சூசையப்பர் தேவாலயத்தில் அரசாங்கத்திற்கு எதிராக அமைதியான முறையிலான ஆர்ப்பாட்டமொன்று முன்னெடுக்கப்பட்டுள்ளது.

இந்த நிலையில் தேவாலயங்களுக்கு வெளியே பொலிஸார் பாதுகாப்பு கடமைகளில் ஈடுபடுவதையும் அவதானிக்கக்கூடியதாக உள்ளது.

முதலாம் இணைப்பு

கொழும்பு – கொச்சிக்கடை புனித அந்தோனியார் தேவாலயத்திற்கு முன்பாக போராட்டமொன்று முன்னெடுக்கப்பட்டு வருகிறது.

தற்போது முன்னெடுக்கப்பட்டு வரும் இந்த போராட்டத்தில் கத்தோலிக்கர்கள் கலந்து கொண்டு அமைதிப் போராட்டத்தில் ஈடுபட்டுள்ளதாக அங்கிருக்கும் எமது பிராந்திய செய்தியாளர் தெரிவித்தார்.

போராட்டத்தில் கலந்து கொண்ட மக்கள் மும்மொழிகளில் கோட்டாபய அரசிற்கு எதிரான வாசகங்கள் எழுதப்பட்ட பதாதைகளை தாங்கி தமது போராட்டத்தை முன்னெடுத்துள்ளனர்.

இதேவேளை கோட்டாபய அரசுக்கு எதிராகவும், உயிர்த்த ஞாயிறு தின தாக்குதலுக்கு நீதி கோரியும் மாபெரும் கவனயீர்ப்புப் பேரணி இன்று நடைபெறவுள்ளதாக தெரியவருகிறது.

உயிர்த்த ஞாயிறு தினத் தாக்குதலுக்குள்ளான நீர்கொழும்பு கடுவாப்பிட்டிய கத்தோலிக்க தேவாலயத்திலிருந்து கொழும்பு கொச்சிக்கடை புனித அந்தோனியார் தேவாலயம் வரை இந்த ஆர்ப்பாட்டப் பேரணி முன்னெடுக்கப்படவுள்ளது.

இதேவேளை, ஜனாதிபதி செயலகம், அலரி மாளிகை ஆகிய பகுதிகளையும் முடக்கி அரசுக்கு எதிராக இன்று போராட்டங்கள் முன்னெடுக்கப்படவுள்ளதாக தெரிவிக்கப்பட்டுள்ளது.

Gallery Gallery

ஒரு பதிலை விடவும்

Please enter your comment!
Please enter your name here