23.8 C
Vavuniya
Friday, December 4, 2020
முகப்பு செய்திகள் விளையாட்டுச் செய்திகள் தோனி சென்னை அணிக்காக சென்னையில் விளையாட வாய்ப்பில்லை

தோனி சென்னை அணிக்காக சென்னையில் விளையாட வாய்ப்பில்லை

62
0

சென்னை அணியின் போட்டிகள் புனேவிற்கு மாற்றப்பட்டதால், தோனி இனி சென்னையில் சென்னை சூப்பர் கிங்ஸ் அணிக்காக விளையாட வாய்ப்பில்லை என ரசிகர்கள் கருத்து தெரிவித்து வருகின்றனர்.

சூதாட்ட புகாரில் சிக்கிய சென்னை சூப்பர் கிங்ஸ் அணி இரண்டு ஆண்டு தடைக்கு பின் மீண்டும், இந்த ஆண்டு ஐபிஎல் தொடரில் பங்கேற்றுள்ளது. இதனால், சென்னை ரசிகர்கள் மிகுந்த உற்சாகத்தில் இருந்தனர்.

இதனிடையே, காவிரி மேலாண்மை வாரியம் அமைக்க வலியுறுத்தி தமிழகம் முழுவதும் போராட்டங்கள் நடைபெற்று வருவதால், சென்னையில் ஐ.பி.எல். போட்டிகள் நடத்தப்படக் கூடாது என போராட்டக்காரர்கள் கோரிக்கை விடுத்தனர்.

இதையடுத்து, சென்னை சேப்பாக்கம் மைதானத்த்தில் சென்னை-கொல்கத்தா அணிகளுக்கு இடையே போட்டி நடைபெற்ற போது, போராட்டக்காரர்கள் மைதானத்துக்கு உள்ளேயும், வெளியேயும் வன்முறையில் ஈடுப்பட்டனர். மேலும் போட்டி நடைபெறும் போது வீரா்கள் மீது காலணிகளை வீசியும் அட்டூழியம் செய்தனர். இதனால், சிறிது நேரம் அங்கே பதற்றம் நிலவியது.

இதன் காரணமாக, வீரர்களின் பாதுகாப்புக் கருதி சென்னையில் நடைபெற இருந்த போட்டிகள் அனைத்தும் புனேவுக்கு மாற்றப்படுவதாக ஐபிஎல் போட்டிகளின் தலைவர் ராஜிவ் சுக்லா அதிகாரப்பூர்வமாக அறிவித்துள்ளார். இரண்டு ஆண்டுகளாக சென்னை அணியின் வருகைக்காக காத்திருந்த சென்னை ரசிகர்கள், இதனால் மிகுந்த வருத்தத்திற்கு உள்ளாகி உள்ளனர்.

இந்நிலையில், சென்னை அணியின் கேப்டன் தோனி அடுத்த ஆண்டு நடைபெறும் உலகக்கோப்பை போட்டிக்கு பின் ஓய்வு பெறலாம் என்பதாலும், அடுத்த ஆண்டு பாராளுமன்ற தேர்தல் நடைபெற உள்ளதால் ஐபிஎல் போட்டிகள் ஒத்தி வைக்கப்படும் என்பதாலும், தோனி இதற்குப் பின் சென்னை அணிக்காக சென்னையில் விளையாட வாய்ப்பில்லை என ரசிகர்கள் கருத்து தெரிவித்து வருகின்றனர். இதனால், சென்னை ரசிகர்கள் பலரும் மிகுந்த சோகத்தில் ஆழ்ந்துள்ளனர்.

ஒரு பதிலை விடவும்

Please enter your comment!
Please enter your name here