தமிழில் ஆனந்தம் படத்தின் மூலம் இயக்குனராக அறிமுகமானவர் லிங்குசாமி.
இதன்பின் ரன், பையா, சண்டக்கோழி என பல்வேறு ஹிட் படங்களை கொடுத்த லிங்குசாமி, தற்போது தெலுங்கில் இயக்குனராக அறிமுகமாக உள்ளார்.
தெலுங்கில் உருவாகும் லிங்குசாமியின் படத்தில், கதாநாயகனாக, பிரபல தெலுங்கு நடிகர் ராம் பொத்தினேனி நடிக்க உள்ளார்.
இப்படத்தில், வலுவான வில்லன் கதாபாத்திரம் ஒன்றை உருவாக்கி இருக்கிறார் இயக்குனர் லிங்குசாமி என்றும் அந்த கதாபாத்திரத்தில் மாதவன் நடிக்க இருப்பதாகவும் ஏற்கனவே செய்திகள் கூறப்பட்டது.
ஆனால், இவை எதுவும் உண்மையில்லை, என்று நடிகர் மாதவன் வெளிப்படையாக தெரிவித்துள்ளாராம்.
அவர் கூறியதாவது : ” லிங்குசாமி படத்தில் நடிக்க ஆர்வமாக இருக்கிறேன். அவர் நல்ல மனிதரும் கூட. ஆனால், அவர் படத்தில் நான் நடிப்பதாக வரும் செய்தியில் உண்மையில்லை ” என மாதவன் மறுப்பு தெரிவித்துள்ளார்.
